Момчињата од Тајланд кои беа спасени од пештерата ќе се повлечат во будистички храм, пред целосно да се вратат во секојдневниот живот.
Тие ќе останат таму девет дена, а ќе носат будистичка облека и главите ќе им бидат избричени. Само едно од момчињата нема да замине во храм, бидејќи е христијанин.
Момчињата и нивниот тренер на 23 јуни влегоа во пештерата Там Луанг, каде набрзо ги зароби поплава. По 10 дена ги пронајдоа нуркачи. Спасувачката акција траеше три дена и конечно заврши на 10 јули.
