Стратегијата за развој на туризмот во Македонија ги дава посакуваните резултати, оценува министерот за економија Крешник Бектеши.
Во јуни годинава Македонија ја посетиле 102.327 туристи, кои оствариле 243.175 ноќевања што е за 20,7 отсто повеќе туристи во споредба со истиот месец лани и за 23,4 отсто повеќе ноќевања.
Во првите шест месеци од годинава бројот на туристите е зголемен за 16,4 отсто во споредба со истиот период од минатата година при што кај домашните туристи има зголемување за 9,3 отсто, а кај странските за 19,8 отсто.
Целта е до крајот на оваа година да оствариме милион туристи, а оваа бројка да биде нормална и очекувана во следните неколку години, со што туристичкиот сектор ќе учествува со 3% во бруто-домашниот производ.
