На премиерата во Париз на новиот филм на Скорсезе, The Wolf Of Wall Street, присуствуваше и Леонардо ди Каприо.Иако изгледаше гламурозно како секога холивудска ѕвезда, Леонардо наводно има приватен проблем, односно се грижи за својот полубрат кој веќе месец дена е прогласен за исчезнат.
Според списанието The Sun, 39-годишниот актер одлучил да ја стави својата кариера во мирување за извесно време, додека Адам Фарер кој поминал три недели во затвор заради кражба и прекршување на условната казна, не се најде жив и здрав.
Семеен пријател изјавил за списанието: „Адам беше во затвор и сега незнаеме каде е. Тој беше кај мене дома на два-три дена, а потоа само исчезна. Се обидов да стапам во контакт со него но неговиот број беше дисконектиран. Зборував со неговиот татко пред неколку дена и сеуште никој ништо не чул за него. Тој скршна од патот пред неколку години. Нема постојан дом и престојува кај пријатели или Бог знае каде.“
За Леонардо е познато дека бил близок со својот постар брат и тие двајцата имаат присуствувано на кошаркарски натпревари, како и забави, но последниве години нивните односи малку биле дистанцирани.
The Sun објавува дека веќе три години Адам имал неколку судски процеси и обвинувања за малтретирање, поседување на наркотични супстанци, возење без дозвола и домашно насилство.
