Веќе неколку дена во Берлин се врати летото, па Лејди Гага која во моментов се наоѓа таму, одлучи дека топлото време и овозможува да се облече само во маица.
Истото се однесува и за кучето, кое од своја страна покажа одличен стил во маица со розов акцент во предниот дел.
Лејди Гага сепак е малку „Га Га” и може да си дозволи многу нешта, да пее за она што ќе посака и да се појавува со најчудните комбинации на кои што можеме да се сетиме. Нејзините фанови во Берлин уживаа во редок момент, набљудувајќи ја нивната омилена пејачка, додека го шета кученцето.
28-годишната ѕвезда уживаше во вниманието и мноштвото камери насочени кон неа. Сепак визијата и беше далеку од „нормална”.
Таа беше облечена само во розова маица со позитивна порака. Црни хулахопки кои што ја дополнуваа т.н. нејзина стрит визија, а црните чевли придаваа барем малку чувство за префинетост.
Откако смени куп чудни фризури со различни должини и бои, последната е огромна црна кадрава коса или поточно кажано – перика.
Дали ви се допаѓа изгледот на Лејди Гага?
