Познатата холивудска актерка Мелани Грифит, е родена на 9 август 1957 година. Нејзиното лице се наоѓа на телевизиските реклами уште од најрана возраст, таа на само 9 месеци се појавила во реклама, а на само 17 ја добила првата улога во контроверзниот филм „Night Moves“ кој изобилува со експлицитни сцени.
Од тогаш до сега нејзиното филмско портфолио е исполнето со огромен број на филмски улоги, заради кои досега била и номирана за Оскар, и ја има добиено наградата Златен Глобус.
Освен успешната кариера, Мелани Грифит е позната и како долгогодишна сопруга на актерот Антонио Бандерас, брак кој трае повеќе од две децении, но за жал и како зависничка од пластичните операции. Од младите години па се до денес, нејзиното лице речиси и целосно да го има изгубено природниот изглед, а еве како тоа се менуваше низ годините.
