Да се појави на листата на People списанието е вистинска чест, а оваа година главната убавица е Оскаровката…
Убавата актерка Лупита Нионго е најубавата жена на светот според People. 31-годишната убавица ги доживеа најубавите моменти во својата кариера, а освен што е талентирана актерка за кратко време стана и модна икона.
„Тоа е многу возбудливо и навистина голем, голем комплимент“, рекла Лупита која и неодамна стана заштитно лице на светски познат козметички бренд. Гордата актерка веста ја споделила на социјалните мрежи.
Лупита инаку е родена во Мексико, а израсната во Кенија. Нејзината мајка Дороти, директорка за односи со јавноста за Africa Cancer Foundation, отсекогаш ѝ кажувала дека е убава па и таа конечно поверува во тоа.
На листата на најубави се и Џулија Робертс, Џенифер Лоренс, Џенифер Лопез, Бијонсе Ноулс, Гвинет Палтроу и многу други холивудски диви.
