Сликата на жената има толку различни инкарнации. Таа е во центарот на трагедии, за неа се пеат песни, присуствува насекаде во уметноста во различни форми …
Токму жената е главна муза и на италијански уметник Марко Граси. Во неговите слики се огледува модерната млада жена, која не привлекува со убавината, туку со страста и духот.
Граси не слика само жени, но сите негови слики се луѓе со сликовито изразена индивидуалност. Тој користи пастелни светли бои, а розовата е особено важна, дури и присутна во имињата на некои од неговите дела. Користи различни техники, најчесто мрсни бои. Сето она што се наоѓа во неговите слики изгледа расфрлано без ред, но всушност гледано отстрана е една убава целина.
Во последните три години уметникот повеќе е фокусиран на отсликување на сензуални, возбудливи и провокативни жени кои дефинитивно го привлекуваат вниманието на публиката и критичарите.
Роден во 1966 година во Милано, Граси завршува на колеџот за уметност, а потоа почнува да учи на Академијата за ликовни уметности на Брера, од каде подоцна се префрла на архитектура. Иако скита низ различни универзитети и професии, неговата вистинска и единствена страст останува цртањето.
На почетокот на 90-тите години на XX век започнува да ги изложува своите дела кои веднаш и се допаѓаат на публиката. Учествувал на многу заеднички изложби, неговите слики ги имаат прошетано Рим, Милано, Париз, Америка и Австралија.
Марко Граси не е роб на модата, неговите дела не се клишеа. Тој работи темелно и внимателно, а има и зошто – очите од неговите слики ќе поминат низ вас, како навистина да ве погледнале. Имагинацијата ќе изгради веднаш разновидни сценарија за секој лик од едрата на уметникот. Само препуштете им се на емоциите и уживајте во уште неколку секунди уметност.
