Вчера беше отворен 68-от Кански филмски фестивал, а на гламурозниот црвен тепих доминираа светските ѕвезди.
Посебно внимание на црвениот тепих привлече американската манекенка во необична модна комбинација. Карли носеше креација на Ателиер Версаче, но предизвика многу зачудени погледи бидејќи не е многу јасно дали станува збор за фустан, комбинезон или костум за капење.
Но, згодната 22-годишна манекенка изгледа одлично во што и да се појави, па дури и во една ваква необична комбинација.
Погледнете и дел од останатите модели, Бар Рафаели и Даузен Кроуз, кои се појавија на овој престижен настан, а се чини дека нивниот избор за боја на фустани е едногласен, односно белата.
