Изминатиот викенд се омажи богатата наследничка Ники Хилтон, но не помина сè според планот.
Папараците го сликаа секој нејзин чекор, па и она што таа на никого не сакаше да покаже.
Без оглед на тоа колку пари или време се потрошени во организирањето на венчавката, никогаш не оди сè според планот. Во тоа се увери и богаташката Ники Хилтон која своите денови на вечерни забави ги остави позади себе- за разлика од нејзината сестра Парис.
Ники се омажи за банкарот Џејмс Ротшилд, кој е член на најбогатото банкарско семејство во Европа, а извори тврдата дека е уште побогат од Хилтон. Тоа беше свадба на која трошоците не се проблем, а се јадеше како кај кралеви- јастози, патки, кавијар, скапи пијалоци…
Младата невеста носеше традиционална венчаница на Валентино вредна неверојатни 77 илјади долари, но проблем и предизвика велот кој се заплетка под тркалата на лимузината пред катедралата. Папараците беа таму да го сликаат тој момент.
Но, уште полошо беше кога младоженците се фотографираа по церемонијата. Ники го подигна фустанот за да не се извалка, но го подигна малку премногу високо па откри и каква долна облека носи на денот на својата свадба.
Освен тоа, нејзината сестра парис не можеше да не биде во центарот на вниманието, па целото време позираше пред камерите. И сето тоа го објави на Инстаграм.
Но, без оглед на пропустите, се чини дека гостите добор се забавуваа. Некои беа толку разиграни што едвај се вратија дома.
Ако ништо друго, сепак тоа беше венчавка на американска парти девојка!
Ники и Џејмс го кажаа судбоносното „да“ во Кенсингрон палатата во која се венчаа и принцот Вилијам и Кејт Мидлтон.
