„Денеска конечно ќе зборуваме за тој Facebook телефон. Поточно, за тоа како можеме Андроид телефон да трансформираме во прекрасен социјален уред. Што би се случило кога би правеле телефони, а не апликации“, беа првите зборови на Марк Цукерберг на вчерашното претставување на телефонот на Facebook и Facebook Home.
Цукерберг потенцираше дека не е во прашање ниту вистински телефон ниту Андроид ОС, туку нешто подлабоко од обична апликација, унапреден кориснички интерфејс.
Станува збор за значително пообемно интегрирање на филозофијата на Facebook во еден телефон во форма на Facebook Home, и homescreen-от и lockscreen-от ќе имаат вчитана содржина од Facebook во позадина која ќе биде постојано прикажана. Сѐ што е потребно е да го допрете екранот два пати за да „лајкнете“ нешто. Исто така, содржината ќе биде можно да ја коментирате директно од екранот.
Home всушност претставува склоп на апликации кои се длабоко интегрирани во Андроид и кои вашиот телефон го претвораат во Facebook телефон.
На екранот постојано е присутна ваша фотографија и доколку кликнете на неа се враќате на почетната страна на Facebook.
Кога е во прашање испраќањето на пораки, тука има една нова работа наречена „Chatheads”. Сѐ што е потребно е да ја допрете иконата со ликот на пријателот на екранот и ќе можете да му испратите порака.
Ако сте сред разговор, во десниот агол, без оглед на тоа која апликација ја користите или сурфате на Интернет, иконата со ликот на личноста со која зборувате ќе ве следи така што и понатаму ќе може да комуницирате без оглед на тоа што правите на телефонот сѐ додека не одлучите да го завршите разговорот.
Facebook Home ќе биде достапен и за таблет уреди, а не само за смартфони.
[youtube]http://youtu.be/klWfvxyIXL0[/youtube]
Првиот телефон што доаѓа со интегриран Facebook Home е HTC First. Телефонот поради својата цена, која во Америка ќе изнесува 99 долари во мрежата AT&T, нема да поседува напреден хардвер, во прашање е 4.3 инчен 720p HD дисплеј и Qualcomm Snapdragon S4 процесор, 1GB RAM и камера од 5 мегапискели.
Facebook Home ќе биде достапен и во GooglePlay продавницата од 12 април, а од уредите што на почетокот ќе го поддржуваат се наведени HTC One, HTC ONE X и X+, Samsung Galaxy S III и S IV како и Note II.
[youtube]http://youtu.be/Lep_DSmSRwE[/youtube]
