Актерот Џони Деп и неговата вереница Амбер Хирд очекуваат дете.
Како што велат американските медиуми, Амбер неодамна открила дека ќе стане мајка а Џони е пресреќен што по трети пат ќе стане татко.
Двојката неодамна се вери, а наскоро планира и венчавка, пред бебето да се роди. Радосната вест ја израдувала и болната мајка на Деп која постојано нагласувала дека сака нејзиниот син повторно да се ожени и да добие уште едно дете пред таа да умре.
– Мајката на Деп се надева дека уште еднаш ќе стане баба. Веќе неколку пати рекла дека сонува да добие уште едно внуче, а потоа може мирно да умре- открил извор за медиумите.
Младата Амбер е пресреќна што има целосна поддршка од мајката на актерот, па и самата е подготвена да се најде во улога на мајка.
– Амбер е подготвена за тоа, а и Џони вели дека за него ова е нов живот, нов почеток- открива изворот.
За Деп ова ќе биде трето дете, а од поранешната врска со Ванеса Паради има две деца, девојка Лили Роуз (15) и момче Џејк (12).
