Сенди Скопљак е фитнес блогерка чиј профил на Инстаграм денес има повеќе од половина милион следбеници.
Со потекло од Босна и Херцеговина, Сенди денес живее и работи во Шведска.
Сенди Скопљак е родена во Мостар во 1991 година, а моментално живее во Гетеборг, Шведска. Студира трета година на педагошкиот факултет во Борас.
Сенди одлучила да ја спои својата љубов кон модата и фитнесот, па го започнала блогот, како и Инстаграм профилот на кој го промовира фитнесот, здравата исхрана и модата, а кој има над 600 илјади следбеници.
Благодарение на популарноста на својот профил, го разбуди интересот на многу модни спортски куќи со кои соработува и за кои преку својот профил на социјалните мрежи прави реклами, што ѝ овозможува доста да патува. Вели дека ужива во работата која ја работи.
Својата спортска колекција под наслов „Sporty by Sendi Skopljak“ ја објавила во 2012 година, а има и свој YouTube канал на кој прави различни вежби.
