Кога станува збор за љубовни врски, постојат граници кои секоја жена мора да ги има, како и работи кои не смее да ги зборува и дели со партнерот. Одредени граници ќе им помогнат жените да ја зацврстат врската со својот партнер, но и да задржат некои работи за себе.
Не ги откривајте тајните на вашите пријателки
Тајните поврзани со пријателките никогаш немојте да му ги откривате на партнерот. Вашите пријатели имаат доверба во вас и токму поради тоа ви се довериле, мислејќи дека ќе им ги чувате тајните. Немојте да си поиграте со нив, и размислете како би се чувствувале вие кога некој би ви го направил истото на вас. Освен тоа, мажите не ги разбираат премногу женските разговори, па затоа најдобро е да го држите подалеку од тоа.
Не ги откривајте вашите шифри
Жените можат да им веруваат на нивните партнери безусловно, но шифрите, без разлика за што и да се, не смеат да ги делат со нив. Во природата на човекот е некогаш да подпадне под љубопитноста и искушенето, па немојте да се изненадите кога ќе сфатите дека овие работи сте требале да ги зачувате само за вас.
Не откривајте дека не ви се допаѓа неговото семејство
Ваквите впечатоци е секогаш најдобро да ги зачувате само за себе. Секогаш ќе најдете некој кој не ви се допаѓа, но тоа не го кажувајте на партнерот. Со тоа само би го растажиле, а може и да си направите несакани проблеми во врската.
Не откривајте детали од вашето минато
Дури и ако го спомнете поранешниот партнер, не откривајте премногу детали. Тоа не значи дека го лажете, едноставно избегнувајте ги непотребните детали. Понекогаш е подобро да премолчите.
