Сте помислиле ли некогаш на тоа какво би било чувството доколку лижете кактус? Најверојатно не, но со сигурност не е воопшто пријатно. Сепак, откако ќе ги видите овие сладоледи во галеријата подолу, можеби и ќе добиете желба (секако, во еден поинаков облик).
„Опасните“ сладоледи се колекција на необични ледени десерти чиј облик е инспириран од разните видови на вирусни бактерии кои се опасни по живот.
Секако, вкусувањето на некој од овие слатки примероци нуди единствено искуство за вашите сетила, а притоа нема во никој случај да му наштети на вашиот организам.
Имено, иако нивната идеја поттикната од страшните вируси на прв поглед ќе ве наежи, сепак, тие на вкус не се ништо повеќе од шеќер, вода, и некој овошен екстракт.
Како се прават?
Најпрво, вирусните облици се принтаат со помош на 3D принтер, од кој подоцна се изработуваат и силиконски калапи. Потоа, во нив се сипува смесата, која откако ќе отстои доволно долго во замрзнувачот се претвора во сладолед.
Погледнете го процесот во видеото:
