Познатиот актер и оскаровец, Филип Сејмур Хофман, пронајден е мртов во неговиот стан во Гринвич Вилиџ во Њујорк.
Филип Сејмур Хофман е роден 1967 година, а актерската кариера ја започнал во 1991 година.
Освои Оскар за најдобра машка улога во 2005 година за филмот ‘Capote’ како и наградата Tony за неговата работа во театарот.
Исто така, освоил дури и три номинации за Оскар за најдобра споредна улога. Некои од филмските наслови по кои ќе биде запаметен се Scent of a Woman (1992), Twister (1996), Boogie Nights (1997), The Big Lebowski (1998), Patch Adams (1998), Magnolia (1999), The Talented Mr. Ripley (1999), Almost Famous (2000), 25th Hour (2002), Punch-Drunk Love (2002) и Cold Mountain (2003).
Веста за смртта на актерот ги потресе неговите бројни пријатели и колеги кои на Твитер објавиле изрази на сочуство.
„Скршено ми е срцето, ова е вистинска загуба, почивај во мир, Филип Сејмур Хофман“, напишала Кристин Теиген.
