Утре официјално излегува во продажба ЦД изданието од новиот албум на Дубиоза Колкектив насловен „Апсурдистан“. Ова е седми студиски албум на босанскиот состав кој од 15-ти овој месец беше поставен и за бесплатно превземање од нивниот сајт www.dubioza.org.
„Апсурдистан е целосно генерички назив на дистопијска држава во која сѐ се граничи со апсурд. Нашето пост-транзициско општество секој ден се повеќе личи на монтипајтоновски скеч во кој логиката и здравиот разум не постојат ни во трагите. Територијата на Апсурдистан е многу флексибилна и границите се шират и собираат пропоционално со присуството на количеството глупост. Албумот Апсурдистан пак е многу сличен на материјалот од кој е исткаена човековата глупост и се шири со неворојатна брзина и голта сè што ќе му се најде на патот“ – членовите на Дубоза Колкектив ја објаснуваат идејата за новиот албум.
Дубиоза паралелно со пуштањето на “Апсурдистан” воведе и мобилна апликација која исто така ќе може слободно да се превземе. Апликацијата ќе биде достапна во верзија за Андроид и ИОС оперативен систем и ќе им овозможи на сите мобилни уреди од прва рака да добијат информации за бендот, концертните активности и да ги превземат или преслушуваат песните од „Апсурдистан“.
ЦД изданието од албумот „Апсурдистан“ на Дубиоза колектив во Македонија ќе може да го набавите во сите доброснабдени музички продавници, по цена од 350 денари.
