Учесниците на годинашниот музички фестивал „Coachella“ кој се одржуваше викендов добија ексклузивна можност да го погледнат трејлерот за новото музичко видео на Daft Punk за песната „Get Lucky“. Ова е првиот сингл од претстојниот студиски албум „Random Access Memories“, а песната вокално ја исполнува познатиот рапер Фарел Вилијамс. Освен што беше премиерно прикажан трејлерот на големо платно за време на фестивалот, репризно беше пуштен и во последната епизода на „Saturday Night Live“ викендов.
