И покрај тоа што изгледа како играчка, способностите на најмалиот телефон во светот воопшто не се за потценување.
Јапонската фирма Willcom го претстави најмалиот телефон во светот со димензии 32x70x10,7 мм, а тежи само 32 грама.
Станува збор за моделот WXО6A кој е опремен со едноинчен OLED дисплеј, каков што обично се наоѓа на часовниците. Сепак, поради малите димензии нема камера.
Батеријата може да издржи два часа разговор и 300 часа на standby режим.
Најмалиот телефон во светот ќе се најде во продажба од декември во Јапонија, а дали ќе биде достапен и за остатокот од светот сѐ
уште не е познато.