Милиони патници за најдобра плажа во 2012 година ја избраа таканаречената „Зајачка плажа“ на италијанскиот остров Лампедуза, објави сајтот „Trip Advisor“.
„Живи бои, бели плажи и уникатно опкружување. Кристалното чисто море уште повеќе ве привлекува да останете тука засекогаш“, вака е опишана „Rabbit Beach“ на сајтот.
Во изборот на најубава плажа учествувале над милион туристи кои секојдневно го посетуваат сајтот „Trip Advisor“, специјализиран за патувања. Гласањето траело повеќе од дванаесет месеци.
На второ место се наоѓа плажата на заливот Грејс на островите Туркс и Кајкос кои претставуваат дел од Бахамите во Атлантикот, под управа на Велика Британија.
Еве како изгледа листата на топ 10 најубави плажи во светот:
1.Rabbit Beach, Лампедуза, Италија
2.Grace Bay, Провиденсијалес, Туркс и Кајкос
3.Whitehaven Beach, Квинсленд, Австралија
4.Baia do Sancho, Фернандо де Нороха, Бразил
5.Flamenco Beach, Кулебра, Порторико
6.Playa de las Catedrales, Рибадео, Шпанија
7.Lopes Mendes Beach, Ила Гранде, Бразил
8.Horseshoe Bay Beach, Саутхемптон Перис, Бермуди
9.Eagle Beach, Аруба
10.Rhossili Bay, Свонзи, Велс
