Министерството за култура, во соопштение за јавноста објави дека од 6 октомври наваму, објектот Порта Македонија (Триумфална капија) е отворен за јавноста и просторот во него може да се изнајмува за различни манифестации.
Овој објект, кој е дел од проектот Скопје 2014, содржи мултифункционална внатрешност поделена на две нивоа, едното со површина од 120 метри квадратни и другото со површина од 76 метри квадратни. На располагање стои и видиковецот, односно терасата со површина од 180 метри квадратни. На отворениот дел може да се сместат 100 столчиња, додека во затворениот 80.
Во Порта Македонија може да се одржуваат промоции, состаноци, прес-конференции, концерти, коктели, венчавки, семинари итн., а објектот располага и со најмодерна аудиовизуелна опрема што ја добивате на користење ако сакате да го изнајмите просторот.
Официјален ценовник:
- 1 час – 6.000 денари
- 2 часа – 10.000 денари
- 3 часа – 15.000 денари
- 4 часа – 20.000 денари
- 5 часа – 25.000 денари
- Преку 6 часа (цел ден) – 30.000 денари
*Наведените цени се без ДДВ.
