За прв пат финалето на шоуто „Ѕвездите на Гранд“ се одржа во скопската сала „Борис Трајковски“, па освен како домаќини, Македонците не успеаа да дојдат до првата позиција во улога на пејачи.
Имено, новата Ѕвезда на Гранд е Харис Берковиќ. Тој како првопласиран доби стан во Белград и можност за снимање на албум.
Од земјава во финалето се претставија Ален Хасановиќ и Филип Божиновски.
Филип стигна до третото место, додека Ален до четвртото. Двајцата, заедно со останатите суперфиналисти исто така ќе добијат награда, снимање песна од најпознатите автори на Балканот.
Вечерва сите финалисти ќе се соберат во студиото и ќе поразговараат за впечатоците од финалето во Скопје.
