Боби Кристина Браун, единствената ќерка на починатата пејачка Витни Хјустон и Боби Браун, почина во неделата на 22 години, шест месеци по несреќата во својот дом во Атланта во која се здоби со трајно оштетување на мозокот, по кое беше во кома, кажаа членовите на нејзиното семејство, пренесува Entertainment Tonight.
„Конечно е во мир во Божји раце“, изјави семејството. „Уште еднаш сакаме да се заблагодариме на сите на великодушната љубов и поддршката за време на овие месеци“.
Боби Кристина почина три години по нејзината мајка Витни Хјустон, добитничка на Греми, која се бореше со зависноста од дрога и, исто така, падна во када во хотек во Беверли Хилс.
Хјустон почина на 48 години, а лекарите велат дека смртта била последица на злоупотреба на кокаин и срцеви заболувања.
Таа почна да настапува заедно со својата мајка на шест-годишна возраст, пеејќи ги песните во дует „y Love is Your Love”, а во 2003 година снимија уште еден дует „Little Drummer Boy” за божиќниот албум.
Хјустон и Боби Браун се пореа со зависноста од дрога и се разведоа кога нивната ќерка имаше 14 години.
Боби Кристина Браун, по смртта на својата мајка, беше два пати примена во болница поради душевно растројство. На официјалната Фејсбук страна на Витни Хјустон е објавена трогателна фотографија од славната пејачка со својата единствена ќерка.
