Архитектот кој го дизајнирал станот на Кристијано Роналдо во Мадрид открил детали од ентериерот на домот на познатиот фудбалер.
Познатите и богатите често ги изненадуваат архитектите со своите барања, а тоа беше случајот и со Роналдо.
„На ѕидот има огромна слика од него на која позира гол. Освен тоа, во станот има и голем клавир, аквариум и огледала. Станот го опреми со сите клишеа кои може да се замислат. Зошто би имал голем клавир? Мислам дека тоа е така затоа што немал многу како дете. Мора нешто такво да видел во домовите на богатите, можеби во серијата „Пороците на Мајами“ и тогаш одлучил и тој да има еден“, рекол архитектот кој го уредувал домот на Роналдо во Шпанија.
Сепак, Роналдо не е единствениот кој сака да се гледа себе си. Неговиот колега Нани во домот има мермерна статуа од него во природна големина која е облечена во дрес од Манчестер Јунајтед.
