Викендов се омажи една од најпознатите пејачки во светот. Храбрата Тина Тарнер застана пред олтарот во црно-зелена венчаница со потписот на Armani и со Swarovski кристали.
73-годишната Тарнер се омажи за нејзиното долгогодишно момче Германецот Ервин Бах на приватна церемонија во Швајцарија.
Таа го опиша бракот со нејзиниот продуцент како „прекрасно место“. Музичката легенда за магазинот Hello изјави:
„Тоа е таа среќа за која што луѓето зборуваат, кога конечно можеш да земеш воздух и да речеш „Се е во ред. Тоа е прекрасно место“.
На приватната церемонија присуствувале најблиските членови на семејството и пријателите, меѓу кои и Опра Винфри и Брајан Адамс. Тина Тарнер отстапи од традицијата и не облече бела венчаница, но затоа сите женски гости мораа да носат бело, а мажите црни костими со црни машни.
Двојката, која пред да го каже судбоносното да беше во врска 27 години откако се запозна на аеродромот Хитроу, одлета на меден месец во Италија.
