Сексапил и бесмртна женственост струјат од секоја фотографија на неповторливиот господар на еротската фотографија Марко Главиано.Тој е роден во Италија во 1942 година, а дипломирал на Универзитетот во Палермо за архитектура. За време на студентските години ја открил страста кон објективот и во 1967 година се преселил во Рим, за да и се оддаде целосно на магијата на фотографијата. Подоцна се преселил во Милано, каде што создава свое студио. Фотографиите му се здобиваат со популарност и почнуваат да се појавуваат во водечките европски модни изданија, а во 1975. славата го одвела во Њујорк. Во потфолиото на познатиот Италијанец има над над 500 корици на списанија како “Вог”, “Ел” и “Харпер базар”.
„Имам издадено неколку книги, во кои се вклучени фотографии на речиси сите светски познати модели, меѓу кои и Синди Крофорд. Се надевам дека со фотографиите претставувам пред очите на секој, еден нов универзум во кој што тој ќе успее да пронајде дел од себе “, признава Марко.
