За денеска одбравме вкусен посен рецепт. Подгответе проја, но во една поинаква форма. Предлагаме да ја испечете во калапи за мафини.
Состојки:500г пченкарно брашно, 150г праз или 3 млади лукчиња, 4дл кисела вода, 150мл зејтин, прашок за пециво
Подготовка:Во пченкарното брашно помешано со прашокот за пециво додајте ја киселата вода и добро измешајте. Лукот ситно исечкајте го, издинстајте го на зејтин, и кога малку ќе се олади, додадете ја подготвената смеса. Тестото ставете го во калапи за мафини претходно намачкани со зејтин и печете на 220 степени, дваесетина минути.
Добар апетит!
