Иако на крштевката на принцезата Шарлот Елизабет Дијана беа сите членови на британското кралско семејство, од кралицата Елизабета и кралот Филип, принцот Чарлс и војвотката Камила како и родителите на малата принцеза, сепак сите симпатии ги доби постариот брат на Шарлот, принцот Џорџ.
Русокосото момче, кој за неколку дена ќе наполни две години, пристигна вчера во друштво на своите родители и сестра во црквата Света Марија Магдалена во Норфолк, каде пред повеќе од 50 години е крстена бабата на Шарлот, принцезата Дијана.
Иако моментот беше и повеќе од свечен, се чини дека кај малиот Џорџ светата тајна на крштевањето не предизвика вообичаена религиозна сериозност па родителите имааа проблеми во неговото дисциплинирање.
Прво, тој разговараше со својата пра-баба, кралицата Елизабета а од време на време проверуваше што се случува во количката на неговата помлада сестра.
Кога се увери дека принцезата Шарлот мирно спие и дека кај неа нема да најде друштво за игра, продолжи да зборува со пра-бабата, но се чини дека тоа не им одеше од рака.
Малиот Џорџ не можеше да го задржи вниманието, ниту местото, а фотографите кои се собрааа пред црквата успеаа да го сликаат малиот принц во најразлични пози.
Ова е прв пат младото кралско семејство да се појават сите заедно во јавноста по раѓањето на најмладиот член, принцезата Шарлот.
