И додека реалити ѕвездата Кендал Џенер полека ги освојува модните писти, нејзините колешки манекенки не се баш воодушевени со нејзиниот успех.
Всушност, 18-годишната Кендал на ревијата на New York Fashion Week наводно била главна мета на малтретирање од своите колешки модели, кои дури отишле толку далеку што ѝ гаснеле цигари во нејзината чаша со пијалок.
„Другите модели напорно работеле за да стигнат до своето место на пистата и сметаат дека не е фер и Кендал да биде таму, исто така“, рекол извор за „In Touch Weekly“. „Почнаа да се однесуваат насилно кон Кендал, а некои дури и фрлаа отпушоци во нејзиниот пијалок“, додал тој.
Во меѓувреме, Кендал неодамна откри дека мора „напорно да работи“ ако сака сериозно да биде сфатена во модниот свет.
„Луѓето мислат дека овој успех ми е дојден лесно, како на послужавник. Но, не е. Сè всушност беше против мене. Луѓето не ме сфаќаа како сериозен модел. Одев на кастинзи и не ме сфаќаа сериозно поради моето име. Всушност, беше одлично кога немаше да препознаат која сум. Си мислев- ви благодарам. Ве молам, немојте да ме препознаете“, рекла тогаш Кендал.
