Вака подготвените пиперки се одлично предјадење, но зошто да не ги послужите и како „главно“ на вашата трпеза.
Состојки:
4 црвени пиперки
200 г. фета сирење
1 јајце
50 г. кисела павлака
сол
бибер
4 лажици маслиново масло
Подготовка:
1. Загрејте ја плочата во рерната. Пиперките измијте ги и избришете, па ставете ги во тепсија обложена со алуминиумска фолија. Печете ги додека не добијат темнобраон боја и додека не почнат да се создаваат меурчиња по нив. Повремено превртувајте ги. Потоа извадете ги од рерната, ставете ги во пластична кеса и оставете ги така 10 минути. Дури потоа внимателно излупете ги и исечете го горниот дел за да ги извадите семките.
2. Загрејте ја рерната на 180 степени. Сирењето ситно изгмечете го со вилушка. Додадете цело јајце и кисела павлака, па сето тоа промешајте го добро. Потоа додадете бибер по желба. Намачкајте масло на тепсијата.
3. Наполнете ги пиперките со смесата и редете ги една покрај друга. Потоа посолете ги, побиберите и прелејте ги со маслиново масло. Се печат во рерна околу 40 минути.
Наздравје 🙂
