Холивудските филмови се честа тема на дискусии, бидејќи постојат многу повеќе интересни факти за нив од оние кои успеваат да уловат само нашите очи. Не станува збор само за темата на приказната во филмот, актерите или филмските ефекти, зборуваме за оние ситни детали кои често обичната публика ги игнорира.
При снимањето на еден филм, освен актерите и нивните двојници, често на сетот потребно е и да присуствуваат и други луѓе во заднината, кои иако немаат никаква улога, сепак земаат хонорари за своето присуство. Но, што кога сцената има потреба од огромна толпа? Зарем им се плаќа надоместок на илјадници луѓе, само за тоа што направиле „гужва“?
Вистината е, не.
Благодарение на илузијата создадена од компанијата „Inflatable Crowd“, поголемиот број од „толпите“ во филмовите се всушност само гумени кукли. Снимени од дистанца, нивната нереалност воопшто не се забележува.
Всушност, истите „момци“ кои ќе ги видите подолу, биле дел од филмските сетови на: Iron Man 2, American Gangster, Seabiscuit, Blades of Glory, Ocean’s 13, The Prestige, Million Dollar Baby, Friday Night Lights, We Are Marshall, Contagion, The Fighter, The King’s Speech, Spiderman 3 итн.
