Се подготвува лесно и брзо, а вкусот е фантастичен.
Состојки:
две поголеми тиквички
еден поголем модар патлиџан
еден поголем домат
шолја презла
шолја овесно брашно
оригано, босилек, сол и бибер
2 јајца
2 дл. павлака за готвење
6 лажици маслиново масло
Подготовка:
Подмачкајте ја тепсијата со маслиново масло.
Помешајте ги овесното брашно и презлата, па нанесете ги по малку на дното.
Наредете една тиквичка. Попрскајте ја со две лажици маслиново масло. Повторно наредете дел од мешавината од брашно и презла, а потоа зачинете. На крајот, изрендајте го модриот патлиџан, попрскајте со масло, па посолете како и претходниот слој. Повторно ред изрендана тиквичка, попрскајте со маслиново масло, па ставете малку од сувите состојки. Одозгора исечете еден поголем домат.
Изматете 2 јајца со 2 дл. павлака за готвење, прелејте одозгора и запечете на 200 степени, околу 20 минути. Служете со кисело млеко или салата од домат.
