„Париз е секогаш добра идеја“ – клише изрека со реално значење. Ретко кој не се заљубил на прв поглед во Париз, градот на светлината, љубовта и романтиката.
Оваа француска идила нуди посебна магија која се разликува низ секое годишно време. Бројните музеи, архитектонски ремек дела, стари и нови улички, придонесуваат Париз да е веќе неколку децении наназад една од најпосетените дестинации во светот.
Но, има нешто посебно во овој град за време на божиќниот период. За разлика од топлите летни денови кога градот е преплавен од туристи, во студениот зимски период метежот низ улиците е драстично намален, а на нив можат да се сретнат вистинските Парижани, кои му даваат дополнителна локална вибрација на Париз.
Еве како изгледа Париз во зима.
