114
Според Светската здравствена организација, стапките на деменција речиси тројно ќе се зголемат во следните децении. Иако ова е изненадувачко предвидување, препорачливо е да се грижите за здравјето на вашиот мозок, а тоа можете да го направите, меѓу другото, и со правилна исхрана.
Роберт Лав, невронаучник кој е специјализиран за превенција од Алцхајмерова болест, на својот профил на TikTok наведе десерти кои можете да ги вклучите во вашата исхрана за да го одржите вашиот мозок здрав.
Темно чоколадо
Истражувањата покажуваат дека темното чоколадо може да ја подобри вашата меморија, па дури и да го поддржи растот на нови мозочни клетки.
Лав препорачува да купите парче органско чоколадо.
„Погрижете се да биде црно – на тој начин ќе добиете повеќе од корисните биофлавоноиди, моќни растителни соединенија од чоколадото“, советува тој.
Боровинки
Боровинките не само што одат добро со темното чоколадо, туку се и „одлични за вашиот мозок“.
Лав вели дека тие се богати со полифеноли: „Она што е добро за вашите црева е добро и за вашиот мозок“.
Боровинките исто така имаат малку шеќер, така што нема да ви го зголемат шеќерот во крвта.
Сутлијаш од црн ориз
Последното задоволство кое го препорача е популарен азиски десерт познат како сутлијаш од црн ориз.
„Црниот ориз е навистина многу здрав, вкусен ориз. Богат е со полифеноли, слично како кафето и боровинките и не го зголемува шеќерот во крвта како обичниот ориз. Можете дури и да додадете малку боровинки или ореви за да го направите уште поздрав за вашиот мозок“, додаде тој.
