Горан Пандев го постигна својот гол првенец сезонава во Серија А. Капитенот на македонската репрезентација погоди за 3-1 против Бреша, откако доби шанса во второто полувреме.
Пандев со еден мајсторски удар го совлада голманот на Бреша и стави точка на победата на Џенова која од клупата беше предводена од поранешниот соиграч на Пандев од Интер, Тијаго Мота.
На претходните две денешни средби во Серија А Лече му откина бод на Јувентус (1:1), а нерешено беше и на дуелот Интер-Парма (2:2).
На табелата после вториот триумф сезонава Џенова е на 17 позиција со осум бодови, за четири дена го очекува гостување кај шампионот Јуве.
Goran Pandev
Genoa 3-1 Brescia#GenoaBrescia pic.twitter.com/QutOA0Duw4
— LVdC_Vids (@Lvdc_Vids) October 26, 2019
