Премиерот Зоран Заев не гледа ништо спорно во изјавата на албанскиот премиер Еди Рама кој во новогодишната порака до нацијата истакна дека очекува отворени граници и со останатите соседи, меѓу кои и Македонија, по примерот на границата со Косово. Во таквата отвореност Заев препознава единствено економски бенефит и забрзување на протокот на патници и стока.
„Јас би ги отворил сите граници, веднаш“, коментира тој за изјавата на Рама“.
Благоја Марковски – безбедносен аналитичар, има поинаков став. Според него, изјавата на Рама дефинитивно е двосмилена и треба да се сфати сериозно. Тој во изјавата препознава и елементи кои алудираат на промена на границите и етничката мапа на регионот, пренесува Канал 5.
ФОТО: Заев и Рама на средбата на бизнис лидери за југоисточна Европа, октомври 2017-та (EurActiv).
