Одбери живот, одбери работа, одбери кариера, одбери семејство. Одбери ебено голем телевизор. Одбери машина за перење, кола, компакт диск плеер …
А ако си Дени Бојл одбери да снимиш Трејнспотинг 2, и тоа 20 години по првиот.
Во знак на задоволство, по почетокот на снимањето на филмот, пуштен е и официјалниот треилер на Трејнспотин 2 кој всушност е направен од рециклирани снимки од оригиналниот филм во комбинација со неколку алузии на новиот заплет.
„Дваесет години подоцна, а истите глумци“, рече лани Бојл на Њујоршкиот филмски фестивал.
Ирвин Велш е автор на романот Трејнспотинг кој е и инспирација за филмот (првиот дел). Ирвин извади и продолжение под името „Порно“. Новиот филм најверојатно ќе биде базиран на романот „Порно“, но сите веќе го нарекуваат „Трејнспотинг 2“.
Замислете повторно Иан Мекгрегор во улога на Рентон, и цела екипа после толку хорс, жива, здрава и спремна за нов предизвик.
Ај да видиме.
Едноставно, Дени Бојл нема право на кикс.
