Добри вести за редовните гледачи на филмови.

Еден фински програмерски тим направи интернет страна за која тврди дека е „првиот описен пребарувач за филмови“. Ветуваат дека нивната страна го решава проблемот со кој сите понекогаш сме соочени кога не можеме да се сетиме на насловот на некој филм што сме го изгледале, или уште повеќе, кога не го знаеме насловот на филм што сме го фатиле на кратко на телевизија, а сега сакаме да го изгледаме асално.

Заслугите се на отсекот Valossa на универзитетот Оулу во Финска, но и на инвестирот што им даде 640.000 долари за да го овозможи создавањето на whatismymovie.com.

А според тимот, страната претставува описен пребарувач за видеа, кој овозможува „природно, преопширно и флексибилно пребарување“, плус пребарување со гласовна функција, нешто практично во стилот на тоа како функционира Shazam за музика, плус пребарување врз основа на видео стриминг или видео инсерти. Платформата ги анализира видео преносите во реално време и идентификува повеќе од илјада поими (место, предмети, луѓе и сл.) од било кој видео пренос, кои ги конвертира во метадата и врз основа на тоа предложува резултати.

Платформата е сé уште во развој, па можеби е логично што не можевме да ги најдеме овие функции надвор од текстуалното пребарување. Сеедно, го тестиравме она што можевме, и по наше мислење, не беше нај-најсјајно, ама многу ветува;

На пребарување на „fat dude sells car brakes“ (глуп опис, знаеме), Tommy Boy (тој го баравме) беше во втората половина на резултатите.

Сеедно, може вие ќе имате повеќе среќа, а и без тоа, ни текнуваат барем 100 ситуации во кои странава и тоа како би ни помогнала. Дополнително, страната има и рејтинг систем со кој можете да го означите точниот резултат, или пак генерално да ги оцените резултатите како лоши – а тоа гарантира значително подобрување на услугата во скоро време.

Еве неколку примери за тоа што сé може да пребарате:

• find all Harry Potter movies
• find me James Bond movies with Sean Connery
• show me parody films
• scifi movie about space battles and laser guns
• eastwood protecting the president
• romantic scifi movie
• comedy in hawaii
• ridley scott columbus expedition

…или па познати фрази и цитати:

• „may the force be with you”
• „choose life“ (да, прв го отвара Trainspotting)

Како филмски фан на филмски фан, најтопло ви препорачуваме да си ја букмаркирате уште сега.

ЛИНК