Сликите кои ќе ги видите подолу, укажуваат на три метри ѕид со бодликава жица на врвот, која ги дели богатите и сиромашните во главниот град на Перу – Лима.
Изграден на периферијата на градот, тој го носи прекарот Берлинскиот ѕид на Перу. Направен од жица и цемент стои растргнат помеѓу квартовите Сан Хуан де Мирафлорес и Сукре. Ѕидот создава шокантна разлика помеѓу урбанизацијата на местото во кое живеат некои од најбогатите жители на земјата, и гетото во соседството. Истиот првично е изграден поради стравувањата дека жителите од сиромашниот кварт ќе крадат од богатите сограѓани кои живеат во близина.
Областа на сиромашните дрвени куќи осветлени од свеќи и со скршени покриви граничат со куќи од милиони, а сите тие се наоѓаат во рамките на неколку километри, па важно прашање за социјалниот статус во Лима е „На која страна од ѕидот живееш?“
Демонстрантите против постоењето на ѕидот пишуваат слогани врз него како: “Мојата земја е твоја, мојата земја е моја, мојата земја е на сите.”, но тоа никако да вроди со плод.
.png)
Латинска Америка, заедно со Карибите е областа со најголема неусогласеност во платите во светот, според Oxfam.
Во извештајот од 2014 година стои дека најбогатиот еден процент од населението држи 41 проценти од регионалното богатство.
