Лејди Гага е прогласена за жена на годината од страна на музичкиот магазин „Билборд“. Тие изјавија дека таа најмногу соодветствува на наградата и признанието ќе и биде врачено на 11 декември во Њујорк.
„Жени во музиката“ е настан на кој се доделуваат признанија на 50 најмоќни жени во музичката индустрија.
Ова случување кое се организира веќе десет години по ред, за првпат ќе биде прикажуван на телевизија, на каналот „Лајфтајм “ на 18 декември.
Славната пејачка своите импресии ги искажа на Твитер и напиша дека е пресреќна што го добила ова признание и им се заблагодарува.
