Граѓаните на Венецуела му одадоа последна почит на претседателот Хуго Чавез кој синоќа почина во воената болница во Каракас по двегодишна битка со ракот.
Чавез ќе биде погребан во петок во Каракас, а се очекува присуство на милиони негови приврзаници и левичарски лидери од цел свет, пишува „Guardian“. Државата прогласи седумдневна жалост, поради смртта на лидерот кој 14 години беше на врвот на Венецуела.
Граѓаните на оваа земја на многу трогателен начин се опростија од нивниот лидер.
Во Венецуела поради смртта на долгогодишниот претседател мора да бидат одржани избори во рок од 30 дена. Чавез сметаше дека сегашниот потпретседател Николас Мадуро би бил најдобар негов наследник. Тој на изборите најверојатно ќе се соочи со Енрико Каприсел, кандидат од опозицијата.