Вака изгледа Бела ноќ во Торонто

Очигледно, невозможно е да ја покриеме целата програма на Nuit Blanche 2016 (како што ја нарекуваат во Торонто, на француски), ама еден од највпечатливите проекти беше „Literature Vs Traffic“ на Luzinterruptus – анонимна уметничка група што „спроведува урбани интервенции на јавни простори“.

Нивната последна инсталација, таа во Торонто, претвори една од најпрометните улици на градот – во река од 10.000 светлечки книги, а како што можете да видите од фотографиите, резултатот е спектакуларен. Сите книги се донирани (од Salvation Army), а на инсталацијата работеле преку 50 волонтери, цели 12 дена.

„Така, градска област која обично е резервирана за брзина, загадување и бучава, ќе стане, на една ноќ, место за тишина, мир и коегзистенција осветлена од меката светлина што доаѓа од осветлените страници“, напишаа уметниците на нивниот вебсајт.

„Книгите ќе бидат таму за сите што сакаат да ги земат, па инсталацијата ќе се саморециклира… и ќе трае колку што луѓето сакаат да биде таму“. Книгите ги снема за 10 часа, ама инсталацијата ќе се памти.

Паралелно, имаше и вакви ствари:

За секое копи/пејст ќе тужиме!