a
Молдавија е една од најсиромашните земји во Европа. Во 1992 година се стекна со независност, со нејзиното отцепување од Русија и оттогаш ретко се спомнува во медиумите.
На географската карта Молдавија изгледа како мала гранична линија помеѓу Украина и Романија. Економската стабилност на Молдавија стана дополнително напната поради граѓанската војна во Украина. Врските помеѓу Русија и Украина во трговијата со земјоделските производи пукнаа, не оставајќи многу изгледи за младите генерации во потрга по работа и подобро утре. Оние што ќе успеат да заминат во Европа им праќаат пари на своите блиски, често оставајќи ги децата со постарите членови на семејството или понекогаш дури и напуштајќи ги.
Протестите и демонстрациите против корупцијата по банкарската криза го привлекоа вниманието на медиумите, а нацијата е поделена на про-европска и про-руска опција.
Животот во руралната Молдавија е потежок од било кога. Пред неколку години имав прилика да ги фотографирам локалните деца во нивните секојдневни активности. При мојата последна посета поминав прекрасно време со семејство Градинарис со шест деца кои се вистинско олицетворение на великодушност, чесност и гордост на молдавскиот народ. Таткото работи во Русија а мајката на семејната фарма, раскажува фотографот Аса Сјосторм.
И покрај мрачните предвидувања за иднината на земјата, ги набљудував децата како уживаат во моментите на радост дувајќи меурчиња, правејќи импровизирани ролшули, облакајќи се како принцези… Бев одушевена колку тоа може да биде чисто детството и неверојатната издржливост во борбата за опстанокот на нацијата.
