Според RSF (Репортери без граници), новинарите шорум светот оперираат „во клима на страв и тензија“. Индексот на слободата на светскиот печат објавен од RSF во април, открива дека постои генерален пад во слободата на медиумите во периодот од 2013 до 2016 година.
По повод Денот на слободниот печат, RSF организира изложба насловена како „A Cry of Freedom: Cartoonists for Freedom of Information“, во која шпански карикатуристи и илустратори ја опишуваат состојбата на новинарството во светот, истовремено доловувајќи ја храброста која новинарите ја демонстрираат во очи на опасноста и репресијата. Изложбата ќе биде отворена во Мадрид во четврток, па ќе продолжи во Валенсија, Аликанте, Барселона и Малага.
