Гаџет што може да ви го спаси животот додека сте на летување

„Кинџи“ е всушност еден вид на елек за спасување, спакуван во нараквица малку поголема од рачен часовник.

Во нараквицата се наоѓа мала боца со јаглерод-диоксид, која се активира со допир и за помалку од минута пумпа мало воздушно перниче што го извлекува оној што се дави на површина. Може да остане напумпана подолго од 48 часа и е одлична при неочекувани ситуации како замор, грч или силни водени струи.

Портокаловата боја го прави Кинџи перничето лесно воочливо, а самата нараквица е опремена и со компас и со свирче, сé со цел спасителите побрзо и полесно да ги детектираат оние на кои им е потребна помош. Боцата со CO2 лесно се менува, што значи дека нараквицата можете да ја користите неограничен број пати.

Сето ова  овозможува многу поголема сигурност за луѓето што пливаат, сурфаат или возат чамци и скутери, но и за родителите кои за момент ги испуштиле децата од вид. Најдоброто од сé е што нема причина зошто некој не би ја носел (како што е случај со елеците за спасување, мускулите, гумите за пливање), одвај е забележлива и не ви пречи во активностите.

Секоја година, во светот се дават околу 327.000 луѓе, а Кинџи е дизајнирана со цел да го намали тој број. Набројаните причини сугерираат дека замислата е на добар пат да успее.