Овие преслатки кучиња изгледаат како да се извадени од некоја бајка. За овој ефект е заслужна 31-годишната Шарлота Бан, која со помош на разни компјутерски програми обичните фотографии на кучињата ги претвора во нереално добри илустрации.
Нејзиниот талент го забележале огромен број на луѓе, по што разни организации за заштита на бездомните животни ја замолиле за соработка. Така, таа досега добила барање од прифатилиштата од повеќе од 50 различни земји ширум светот, за да им помогне при уредувањето на нивните фотографии.
Според нивните коментари, на овој начин се зголемувал интересот на луѓето кои сакале да ги вдомат. Освен тоа, тие кои се одлучувале на ваков потег, како подарок, заедно со кучето, ја добивале и неговата илустрација, уредно урамена, како потсетник на нивното благородно дело, но и одлично уметничко парче.
Освен организациите и разните здруженија за животни, Шарлота досега на социјалните мрежи собрала повеќе од 250.000 следбеници.
