Германскиот тенисер Александар Зверев се избори за финале на Ролан Гарос, откако попладнево во четири сета го победи Чехот Јакуб Меншик со резултат 7-5, 6-2, 3-6, 6-3.
Дваесетидеветгодишниот Зверев стигна до своето четврто финале на Грен слем турнир, при што во претходните три пати беше поразен — на Ју Ес Опен 2020, Ролан Гарос 2024 и Австралија Опен 2025.
Во неделното финале, Зверев ќе се соочи со победникот од второто полуфинале помеѓу Италијанецот Флавио Коболи и неговиот сонародник Матео Арналди.
За Меншик, ова е најдобар резултат на Грен слем турнири, а исто така има и освоен АТП Мастерс 1000 турнир во Мајами во 2025 година.
