Македонскиот народен театар изрази длабока жалост по повод загубата на Андреј од ДНК, кој го загуби животот во страшната несреќа во Кочани кога избувна пожар во дискотека за време на нивниот настап. Со тага ја примивме веста за трагичната смрт на музичарот Андреј Ѓорѓиески, брат на нашиот колега актер Александар Ѓорѓиески, кој е дел од активниот состав на МНТ. Изгубивме извонреден музичар, хуманитарец и драг пријател. Изразуваме искрено сочувство за ненадоместливата загуба на Александар и неговото семејство, пријателите и колегите – соопшти МНТ.
