Претседателот на Србија, Александар Вучиќ, изјави дека Белград не планира да се послужи со туѓ имот и дека Нафтената индустрија на Србија (НИС) мора да функционира непречено. Тој поддвили истакна дека е отворен за сите предлози од руската страна, со цел да се осигура стабилноста на работењето на компанијата.
„Сè што нашите руски партнери сметаат дека можеме да направиме за НИС да продолжи нормално, досега го правевме и ќе продолжиме да го правиме“, нагласи Вучиќ, истакнувајќи дека процесот не е толку едноставен како што изгледа, но Србија е спремна да разгледа конкретни идеи.
Неговата изјава доаѓа по коментарот на рускиот министер за надворешни работи, Сергеј Лавров, кој посочи дека национализацијата на НИС не може да се реализира без обострана согласност помеѓу двете држави. Вучиќ повтори дека Србија не размислува за одземање на имот.
„Ни на сон не ни паѓа да одземаме нешто од било кого. Се обидуваме да ги направиме сопствениците задоволни. А, ако работата стане невозможноа, Србија ќе плати — какво што доликува на сериозна држава“, нагласи тој.
Кога зборуваше за можноста да се најде решение за избегнување на американските санкции врз НИС, Вучиќ го оцени тоа како „одлична“ опција, но предупреди дека ќе биде сложен процес. Тој додаде дека Србија нема да дозволи да остане без важните енергетски капацитети: „Србија без нафта, без НИС и без рафинерија — тоа не може да се случи.“
Вучиќ исто така нагласи дека меѓународните институции, како што се ММФ и Светската банка, предвидуваат силен економски раст во Србија во следните пет години, но моментално акцентот треба да биде на енергетскиот сектор. Лавров претходно изјави дека за НИС се водат преговори и повтори дека меѓувладиниот договор помеѓу Србија и Русија забранува национализација без заедничка согласност.
