Стотици таксисти од Белград, Ниш и Панчево, заедно со своите колеги од Крагуевац, денеска ги враќаат студентите кои завчера во тридневниот марш пешачеа 130 до 150 километри за да учествуваат на митингот „Да се сретнеме на Сретење“ во Крагуевац по повод Денот на државноста. Децата тоа го заслужија, им рекол на новинарите еден од таксистите.
Во исто време, државните лидери, почнувајќи од српскиот претседател Александар Вучиќ, ги обвинуваат студентите дека се странски платеници и дека се обидуваат да соборат владата без избори. Вучиќ вчера на собирот на неговите поддржувачи во Сремска Митровица оцени дека студентските протести ќе траат уште неколку недели. Тој истакна дека ја победил обоената револуција и дека сега сака да напише учебник за неа.
По митингот во Крагуевац,студентите најавуваат нови акции,а го планираат и следниот голем митинг во Ниш. Пораката на студентите е дека по Ниш ќе продолжат со протестите во Белград и, како што велат, ќе пумпаат додека не пукне.
Ова се секојдневните новости од Балканските статии. Останете со нас за повеќе информации и новости.
