Втората група македонски граѓани, евакуирани од Обединетите Арапски Емирати, успешно пристигна во Скопје. Ова вечерва го соопшти Министерството за надворешни работи и надворешна трговија. На Меѓународниот аеродром во Скопје слетаа 150 патници, од кои 125 се македонски државјани, додека останатите се странци. Хуманитарната операција за враќање на нашите сограѓани од Дубаи помина успешно, безбедно напуштајќи ја територијата на ОАЕ. Патниците беа топло пречекани по долгиот пат назад во татковината.
